Devan sonvsar ghoddlo punn mon’xamni to duxit kelo. Aiz, sorkari kocheriamni koslem-I kam’ kortolo zalear pautti marchio poddttat. Vollokh nastanam kam’ zaunk muxkil. Haka lagun kitle zannttee lok ofisamni pautti ghalun pasun tanchem kam’ zainastanam tankam bejar zaun porton vechem poddtta. Ofisorachi sadi sohi ghetolo zalear pasun vell ibaddcho poddta. Soglleam koddem motor asonam, zaitim zonnam bosin provas kortat, tankam pautti podttat tednam tanche churchure distat. Sorkar apnnak zai thoim bodlav korit asta pun goroz tacho faido zainam zalear koslo faido? Anik ek gozal sorkari ofisamni polleunk meltta. Kaim Goykar odhikari Goykarankuch fatt kortat. Kiteak tankam khobor asa tanche koddlean meza pondchean kainch mellchem nam mhonn. Kain pauttim dusrea disa apoitat punn tea disa tech zagear assonant. Thoddeank ek sohi gheunk kitlech zageancher bhonvchem poddtta. He vixim bodlav ytolo kai? Dusro vixio rostear zavpi opghantacho. Rosto kaido konn palltta? Overspesd, soro piyeun gaddio cholovop, gaddi choloittanam mobailacher ulovop haka lagun opghat ghoddttat. Anik ek karonn mhollear roste sarke nant. Loka kodllean “Road-tax” ghetat, te pormannem roste sarke asonk nakat? Videxant rosteancher koddok nodor dovorloli asta. Mon”xanchi surokxa poili asta. Oxem amchea Goyant kiteak ghoddonam? Anik ek gombir prosn asa to stholantorit lokacho. Hea nam tea karnnak lagun Goy bhaile lok hanga “settle” zaleat. Thoddeamni zage ghetleat. Tannim ghetleat mhunnche poros Goykaramni vikleat mhonn konnem tori ghetleat. Goy sarkech vkun kaddunk ami yeujilam? Goychi ossol porza jednam vaddttoli, tednam tanche khatir zomin astoli kai? Sodheakuch Goykar zala bhailo.Goy sorkaran hacher kaide korchi goroz asa. Goy sambhallun uronk zai, itloch amcho husko. Prosn kednanch sompche nant, zapo mat sodunk ami toyar asonk zai.
Borovpi: Velwyn Barreto, Goy.
